挑一付油豆腐線粉擔。
蘇州人，暴落難，
蹲了書場裡賣賣五香豆、金花菜和甘草梅。
俚篤家主婆，等到十二點敲過一眼眼，蹲了會樂里門前
一聲喊：“桂花赤豆湯，白糖蓮心粥。”
湖州人，暴落難，
賣賣麻酥糖勒大頭菜；
俚篤家主婆，十二月裡到上海，搭別人家拿絲棉翻。
紹興人，暴落難，
蹲了城隍廟裡背仔一隻藍：“蘭花要伐啦，蘭花。”
到下晚晝，弄頭弄腦收收紙錠灰。
江北人，暴落難，
一到上海灘，先拿黃包車子拉，
上海拉車子交關難，紅燈要停，綠燈好拉過來，
還有大轉彎搭小轉彎，大轉彎倘若拉仔小轉彎
辣裡格媽，今朝安南巡捕撬照會。
俚篤家主婆賣賣向日葵。
常熟人，暴落難，
馬路邊上背仔一隻藍，“大先生能跑過來，老闆娘能來麼哉，
阿要買馬桶豁洗搭水磨筷。”
甘露盪口人，暴落難，
大清老早拿起鐵車子來推；
蹲勒弄堂口頭一聲喊，“喔哎！”，
三層樓上快點拎下來。（倒夜香）
落難個朋友叫無其數，