“是額，浙江紹興人。今天廿五歲。”
“貴姓啊？”
“我姓史，歷史額史。”
“史先生有啥問題伐？”
“聽過儂額節目，我也碰著類似額問題，老早以為只有我有搿問題，現在發覺搿方面額人蠻多額。”
“儂講講看，阿拉一道解決。”
“就是……性生活方面額呀，只有半分鐘，女方剛剛開始有感覺我就結束了。而且我額家桑比較短，大概十公分左右，像小人沒發育一樣。”這個男生感覺舒了一口氣，把積攢已久的壓力都釋放出來。
“大小是天生的，勿是越大越好。十公分也算可以，應該夠了。但是半分鐘……搿種情況有多少辰光了？”
“結婚到現在，兩年多。”
“所以儂是 23 歲結婚額？”
“對。”
“23 歲麼，血氣方剛，勿應該呀。”
“因為年紀小額辰光勿懂啦，人家撥我看搿種尋花問柳額書，我看了就沉迷進去了。我同學幫我講，20 歲之前，家桑要用用伊，打通任督兩脈。搿辰光我又沒女朋友，就用手白相，弄嘞手郎廂一塌糊塗，開心蠻開心額，過脫一嗆，頭有點昏咚咚額，我也曉得勿好多弄。後來經常早朗廂遺精哰啥，但是我沒注意。到結婚之後，就發覺……不來賽，辰光不夠，硬度也不夠。”
“手淫沒問題，但是要適度。一個人額辰光，縱欲過度，怪儂自控能力不強，討了老婆還好一眼，伊可以看牢儂。兩個人要好好正視搿額問題，性生活也要有規律，過多、過少都不利於健康。伊是啥態度呢？”
“伊也叫我尋醫生，正規額醫院去治療。”
“儂搿種情況，最好打電話一四二八七，尋海彌登藥行鄭醫生，伊是搿方面專家，或者到寧波路九號四川路口伊拉店裡廂，掛只號，伊幫儂看看發育方面額問題，聽聽伊額建議，好伐？”
“好，謝謝儂。”
“藥勿好自家瞎吃哦。尤其覅到外頭吃啥便宜貨，碰著假藥身體吃壞脫，還浪費鈔票。”
“曉得了，醫生哪能講，我哪能做。謝謝程老師，再會。”
音樂漸起，是胡蝶的《憔悴春光》。
半晌，程德全帶上耳麥，開啟話筒： “剛剛史先生額電話，是阿拉《色戒》欄目開播以來第一隻電話。年輕小夥子，性經驗不足，需要專業指導。人家講，古人儒者不作興談女人。實際上阿拉是傳播科學知識，不是專門聊風月故事額，好伐？我再講一遍，色戒，無關風月。至於聽眾抱著啥目的聽阿拉額節目我就勿管了。現在額社會風氣比老早開放，尤其是電臺節目，聊感情、聊生活、聊各種經歷。原來難以啟齒額事體、夫妻之間臥室裡才能講額事體、小姑娘閨房裡講額事體，儕可以攤開來講了，因為互相不見面，也聊得比較坦誠、比較放鬆。電話提供了一個新的渠道，溝通交流，互相幫助，成為朋友，搿是科技文明額力量，對人性是一種解放。阿拉節目進行到現在，差不多九點鐘到快了，不少聽眾明朝還要上班，就聊到此地，祝大家等一歇一覺睏到天亮。”